Shaqiri i përgjigjet Bajernit: Unë jetoj tash dhe jo në të ardhmen!

“Është një lojtar i rëndësishëm për të ardhmen”, ka thënë shefi i Bajernit për Shaqirin. “Unë jetoj në të tashmen dhe jo në të ardhmen;-)” ka qenë përgjigja e Shaqës

Shefi sportiv i FC Bayernit, Matthias Sammer ditë më parë “ia ka prerë teshat” Shaqirit, duke deklaruar me vendosmëri se ai nuk guxon të mendojë për ikje nga Bajerni. “Është një lojtar i rëndësishëm për të ardhmen”, ka thënë ai duke iu referuar talentit shqiptar nga Zvicra. Por, për Shaqirin ky kompliment nuk është i mjaftueshëm, sepse, siç ka shkruar ai në një twitter në gjuhën angleze “Unë jetoj në të tashmen… dhe jo në të ardhmen;-)”. Nga intonimi vihet re qartë se Shaqiri i drejtohet shefit të tij me këto fjalë.

Shaqiri, i cili tashmë ka shkëlqyer edhe në Botërorin 2014 duke shënuar tre gola në një ndeshje, nuk mjaftohet e rolin e rezervistit në FC Bayern. Atij ia kanë vënë syrin tashmë shumë klube të mëdha evropiane dhe kjo nuk e lë indiferent as atë.