SBB/CFF parashikon tren ekspres Cyrih – Milano

Pritet që kjo rrugë të kalohet për 2:45 minuta. Aktualisht koha e udhëtimit në mes të Cyrihut dhe Milanos është mes 3:26 deri në 4:18 minuta

I ashtuquajturi “Superveloce” duhet të lidhë Cyrihun me Milanon për 2:45 minuta, njofton albinfo.ch. Ky projekt parashikohet të konkretizohet deri në vitin 2020. Një lidhje e tillë shumë e shpejtë do të jetë e mundur pas hapjes së tunelit Céneri (IT).

Rezultatet e ndjekjes së tunelit të ri Gotthard janë pozitive, sipas SBB/CFF.  Rreth 2.3 milionë pasagjerë kanë kaluar Gotthard-in nëpërmjet tunelit të ri, që ishte vënë në shërbim në dhjetor 2016, thekson  SBB/CFF. Përveç kësaj, 17.000 trena të mallrave kanë qarkulluar përmes tunelit më të gjatë hekurudhor në botë.

Bilanci është kryesisht pozitiv, thotë SBB/CFF), duke përshëndetur respektimin e afateve kohore të linjës. Në vitin 2020 aksi Veri-Jug do të përfundojë me vënien në shërbim edhe të tunelit Céneri. Deri atëherë, oferta e trafikut hekurudhor do të përmirësohet, veçanërisht në zhvillimin e potencialit në kantonin e Ticinos.

Pasi që tuneli i Ticinos do të hapet, SBB/CFF do të sigurojë një lidhje të shpejtë mes Cyrihut dhe Milanos më 2020, sipas “20 Minuten”. Aktualisht, koha e udhëtimit në mes të Cyrihut dhe Milanos është mes 3:26 deri në 4:18 minuta, raporton ablinfo.ch.