Sa turistë kishte Zvicra këta muaj të 2018-ës?

Më shumë se 10 milionë dhoma të hoteleve janë prenotuar nga të huajt, një rritje prej 4.6 për qind krahasuar me të njëjtën periudhë të vitit të kaluar

Ilustrim

Industria zvicerane e hoteleve ka regjistruar 18.4 milionë qëndrime gjatë natës në Zvicër në gjysmën e parë të vitit 2018.

Sipas statistikave, numri i qëndrimeve të natës është rritur me 670,000, krahasuar me gjysmën e parë në vitin 2017, shkruan “The Local”.

Më shumë se 10 milionë dhoma të hoteleve janë prenotuar nga të huajt, një rritje prej 4.6 për qind krahasuar me të njëjtën periudhë të vitit të kaluar, sipas shifrave të publikuara nga Zyra Federale e Statistikave të Zvicrës, përcjell albinfo.ch.

Numri më i madh i vizitorëve janë nga Evropa. Rritja më e madhe ishte tek gjermanët, me 73,000 qëndrime gjatë natës, më shumë se çdo komb tjetër i huaj.

Edhe turistët francezë dhe spanjollë kanë luajtur rolin e tyre, me 24,000 më shumë qëndrime gjatë natës të regjistruara nga turistët francezë dhe një shtesë prej 15,000 vizitorësh spanjollë, krahasuar me gjashtë muajt e parë të vitit 2017.

12 nga 13 rajonet turistike në Zvicër regjistruan një rritje të qëndrimeve të natës. Vetëm Ticino kishte më pak vizitorë.

Shkurti ishte muaji më i ngarkuar për sektorin, me më shumë se 3 milionë qëndrime gjatë natës në gjithë vendin.