Sa janë të pasura Rita Ora dhe Dua Lipa

Këngëtaret shqiptare tashmë kanë krijuar pasuri, duke u renditur ndër me të pasurat në Britaninë e Madhe

“Heat”, revista e njohur britanike, ka publikuar listën e personazheve të famshëm më të pasur nën moshën 30-vjeçare në Britaninë e Madhe, si dhe ata që njëkohësisht fitojnë më shumë.

Në vendin e parë qëndron Ed Sheeran, i cili është cilësuar si i famshmi më i pasur në Mbretërinë e Bashkuar nën moshën 30 vjeç, me një pasuri të vlerësuar prej 170 milionë funtesh.

Në vend të dytë ndodhet Daniel Radcliffe, me një pasuri prej 90 milionë funtesh, ndërsa Harry Styles, 25 vjeç, është i treti me afër 64 milionë funte.

Ndërkohë, pjesë e listës janë edhe dy këngëtaret shqiptare, Rita Ora dhe Dua Lipa, përcjell albinfo.ch.

Rita Ora është renditur e 13-ta me një pasuri prej 17.8 milionë funtash, ndërsa Dua Lipa zë vendin e 15-të me 11.8 milionë funte.

Kujtojmë se vitin e kaluar këtë listë e kryesonte Adele, por tani ajo është 31 vjeçe dhe froni nuk i përket më asaj.

---