Kosova
Rugova i reagon Mustafës: “Më mirë të mos flasësh fare”
Pas deklaratës së ish-kryetarit të LDK-së, Isa Mustafa, ka reaguar ish-deputeti i LDK-së, Naser Rugova, i cili sot përmes një postimi në Facebook ka thënë se dorëheqje nga pozita e kryetarit ka dhënë si akt moral dhe jo si akt pendimi, meqë thotë se edhe po të kthehej mbrapa, do ta drejtonte njëjtë LDK-në, duke ruajtur vlerat proevropiane, partneritetin me SHBA-në dhe qeverisjen pa skandale dhe korrupsion, transmeton albinfo.ch.
Rugova si reagim ndaj Mustafës thotë se, sipas tij, i është dukur që ishte penduar Mustafa për dorëheqjen nga kreu i LDK-së.
Rugova thotë se kjo është shumë keq.
“E lexova reagimin e Kryetarit të dorëhequr. Mua m’u duk sikur ishte penduar që kishte dhënë dorëheqje. Shumë keq! Kur nuk ke çka flet, më mirë është të mos flasësh fare, sepse vetëm sa i demotivon njerëzit edhe më shumë. Aman, na kurseni prej apologjive tuaja. Koha e përrallave dhe e riciklimit të figurave të harxhuara ka marrë fund. Ne do të ecim përpara, por pa ju!”, shkruan Naser Rugova në Facebook.
Ndryshe, Isa Mustafa ka shkruar se do t’iu kërkonte falje qytetarëve nëse LDK-ja do të ndëshkohej se nuk ka qeverisur mirë apo me skandale, derisa thotë se do të ndihej i lehtësuar po ta dinte se qytetarët e kanë ndëshkuar partinë e tij në këto zgjedhje.
“E ndëshkuan, sepse nuk u nënshtrua ndaj propagandës së majtë, ndaj dhunës dhe presionit, ashtu siç nuk u nënshtrua nga Serbia në vitet e nëntëdhjeta. Apo, pse???”, ka shkruar Mustafa tutje.
Të ngjashme
Të tjera nga Kosova
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?