Rrahje masive në mes të refugjatëve shqiptarë dhe pakistanezë

Rreth 400 njerëz thuhet të kenë marrë pjesë në rrahjen masive që kishte shpërthyer në një qendër refugjatësh afër Kasselit në Gjermani.

Një mosmarrëveshje midis një të riu dhe një refugjati përafërsisht 80-vjeçar për shkak të shtyrjes në shpërndarjen e ushqimeve ka rezultuar të dielën me një rrahje masive në një qendër refugjatësh afër Kasselit.

Sipas derspiegel.de bëhet fjalë për konflikt në es të jë grupi të shqiptarëve dhe një tjetri, të pakistanezëve.

Pas incidentit gjendja është elektrizuar, tha një zëdhënës i policisë. Në mbrëmje kishte ardhur pastaj në një konfrontim fizik ndërmjet rreth 300 në njërën anë dhe rreth 70 refugjatë në anën tjetër.

Pastaj policia ka intervenuar ndërsa refugjatët janë përleshur  me policinë, ku si pasojë janë plagosur tre oficerë policie dhe tre refugjatë. Në këtë përleshje tetë refugjatë kanë pësuar lëndime, të cilat duhet të trajtoheshin në spital, tha një zëdhënës i policisë për mediet gjermane, përcjell albinfo.ch.

Incidenti ndodhi në Kassel-Calden, ku në strehimore janë vendosur rreth 1.500 azilkërkues. Sipas të dhënave të policisë në këtë qendër banojnë refugjatët nga rreth 20 vende të botës.​