Rita Ora: Kosova është gjaku im

Superylli botëror, Rita Ora, për televizionin britanik “Channel 4” ka folur me krenari për Kosovën dhe ka treguar se Kosova është gjaku i saj.

Pasi mori çmimin e ambasadores për Kosovën nga Presidentja Atifete Jahjaga, Ora gjatë intervistës e pyetur se çfarë do të thotë kosovare, Rita është përgjigjur: “Jam unë, është gjakun im. Është ajo çfarë ndiej në lëkurën time”.

Ylli kosovaro-britanik si ambasadore e Kosovës ka deklaruar se me këtë çmim do të provojë të përfaqësojë Kosovën sa më mirë në arenën ndërkombëtare. “Do t’i tregojmë botës së kush është Kosova, kush jemi ne”, ka thënë ajo.

Në këtë intervistë Rita ka rrëfyer edhe për të kaluarën e saj dhe jetën si refugjate.

“Ishin kohë të vështira. Babait i erdhi thirrja për në ushtri, por ai vendosi të shpëtojë vetën dhe fëmijët e tij dhe u zhvendosëm në Britani”, është shprehur këngëtarja Ora, ndërkohë pas shpinës së saj mbante flamurin e Kosovës.

Ajo tregoi se gjithë familja ka jetuar në një dhomë. “Gjithçka kam mësuar nga prindërit e mi, moralin, rritjen, ushqimin që gatuaj, si të them faleminderit, por as Britanisë kurrë nuk do t’ia ktheja shpinën”, përfundon Rita.