Rita, në emisionin “The Tonight Show”

Rita Ora ishte e ftuar në episodin më të ri të emisionit “The Tonight Show Starring Jimmy Fallon”, ku e dha një prej intervistave më spontane që i kemi parë kohëve të fundit në televizor. 

E ulur përballë prezantuesit të njohur, Jimmy Fallon, Rita foli për albumin e fundit muzikor “Pheonix’, turneun e saj të parë botëror, të cilin do ta fillojë së shpejti dhe simpatinë që ajo e ka për artistin Post Malone. 

Më vonë këngëtarja u bë pjesë e një loje të re në këtë emision, e cila solli edhe shumë të qeshura në publik. Rita dhe Jimmy duhej ta bënin njëri-tjetrin ta gjenin këngën që po e këndonin duke e interpretuar atë me vetëm një fjalë të vetme.

Dhe, në fund të shout, Rita e pushtoi skenën e këtij shou, me ç’rast edhe një herë e solli një performancë të mrekullueshme ‘live’ të këngës “Let You Love Me”.

Kjo është hera e parë që, Rita Ora, ftohet në këtë emision për t’i bërë të gjitha, të intervistohet, të bëhet pjesë e lojërave të këtij shou si dhe njëkohësisht të performojë për publikun e pranishëm në sallë. 

Dhe këtë, këngëtarja me prejardhje kosovare e bëri siç është më së miri dhe gjatë gjithë kohës dukej si një yll i vërtetë Hollywoodi.

https://youtu.be/UArEPGoBt74