Integrimi
Refugjatëve kosovarë në Zvicër iu mundësohet udhëtimi për në vendlindje
Të gjithë shtetasit kosovarë që gëzojnë ende statusin e refugjatit në Zvicër, përkatësisht posedojne leje qëndrimi (F), tashmë me ndihmën e përfaqësive konsullore të Republikës së Kosovës mund të udhëtojnë për në Kosovë dhe të kthehen sërish në Zvicër.
Ambasada e Kosovës në Bernë ka zhvilluar disa takime me përfaqësuesit e Entit Federal për Migracion të Zvicrës dhe nga këto takime ka rezultuar një zgjidhje edhe për këta qytetarë të Kosovës.
„Përjashtim do të bëhet për ata të cilët urgjentisht duhet të udhëtojnë për në Kosovë për t`u pajisur me dokumente udhëtimi“, ka thënë për albinfo.ch zëvendëskonsulli i Konsullatës së Kosovës në Bernë, Besnik Myftaraj.
Kërkesa e Ambasadës kosovare në Bernë ka gjetur mbështetjen e zyrtarëve zviceranë dhe ështe arritur që këtyre personave t’iu mundësohet udhëtimi për në shtëpi, madje pa pasaportë të Republikës së Kosovës.
Udhëtimi i tyre do të realizohet vetëm me një fletudhëtim që do të lëshohet nga Konsullatat e Kosovës.
„Shtetasit kosovarë të cilët dëshirojnë të udhëtojnë për në Kosovë duhet të parashtrojnë kërkesën në adresë të zyrave kantonale për migracion dhe asaj kërkese duhet t’i bashkangjitet një vërtetim nga ana jonë që ende nuk lëshojmë pasaporta pa letërnjoftimin e Kosovës dhe fletudhëtimi. Lënda e tyre përcillet te Enti Federal dhe këta të fundit lëshojnë një vërtetim, me anë të të cilit lejojnë kthimin për në Zvicër. Qytetarë tanë pasi të pajisen me pasaporta, së bashku me vërtetimin në fjalë duhet të drejtohen te Ambasada e Zvicrës në Kosovë për t`u pajisur me vizë kthyese për në Zvicër“, i ka bërë të ditura procedurat e aplikimit zëvendëskonsulli Myftaraj.
Po ashtu Enti Federal për Migracion njofton edhe Ambasadën e Zvicrës në Kosovë për secilin aplikues.
Gjithashtu, bashkatdhetarët me leje qëndrimi F, para se të bëjnë aplikimin për një vërtetim të tillë duhet të konsultohen me zyrtarët në Ambasadën e Kosovës dhe me përfaqësitë konsullore në Zürich dhe në Gjenevë.
Deri më tani janë proceduar 4 raste të tilla.
Shifrat e fundit të Entit për Migracion të Zvicrës flasin për 3500 kosovarë që ende nuk e kanë të rregulluar statusin, duke gëzuar vetëm lejen e qëndrimi (F), si refugjatë.
Me fillimin e lëshimit të letërnjoftimeve nëpër konsullatat e Kosovës do të zgjidhet statusi i tyre.
Qendrat për Migrim në Zvicër po kërkojnë nga qytetarët me leje qëndrimi (F) që të pajisen me pasaportat e Kosovës, në mënyrë që të mund të marrin leje qëndrimi (B), kanë bërë të ditur zyrtarë konsullorë.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj