Qytetarët e Maqedonisë, sigurim shëndetësor në 17 vende

Fondi për Sigurim Shëndetësor i Maqedonisë i ka njoftuar të gjithë personat e siguruar se gjatë pushimeve të tyre jashtë vendit mund të ushtrojnë të drejtën e kujdesit shëndetësor emërgjent në 17 vende, raportojnë mediat e Shkupit, përcjell albinfo.ch.

Të siguruarit në Maqedoni mund të trajtohen nga Fondi Shëndetësor në Gjermani, Austri, Turqi, Kroaci, Slloveni, Serbi, Mali i Zi, Bullgaria, Bosnjë e Hercegovina, Republika Çeke, Holandë, Luksemburg, Belgjikë, Francë, Itali, Sllovaki dhe Shqipëri.

Nën kujdesin e mjekësië emergjente do të thotë shërbime shëndetësore, të cilat nuk mund të shtyhen deri sa të kthehen në vend.

Për këtë qëllim para se të udhëtojnë jashtë vendit personat e siguruar të Fondit për Sigurim Shëndetësor të Maqedonisë duhet të kontaktojnë zyrën rajonale të Fondit, ku kërkesa për sigurimin e detyrueshëm shëndetësor duhet të jetë në dy gjuhë për realizimin e të drejtës për sigurim shëndetësor gjatë qëndrimit të përkohshëm (udhëtime private ose biznesi, udhëtime studimore, arsimit, trajnimit profesional, qëndrimi në lidhje ndërkombëtare – bashkëpunimi teknik, shkencor dhe kulturor, etj.) në një nga këto shtete.