QKUK furnizohet me barna

Ministria e Shëndetësisë së Kosovës njofton se furnizimi me barna në Shërbimi Spitalor dhe Klinik Universitari të Kosovës ka arritur të bëhet deri në 70 për qind.

Ky dikaster thotë se si rezultat i angazhimeve konkrete, ngritjes së përgjegjësisë në menaxhimin e parasë publike dhe vendosjen e rregullit në sektorin farmaceutik, ka një përmirësim të vazhdueshëm të furnizimeve me barna dhe material shpenzues, përcjell albinfo.ch.

“Procesi i përmirësimit të vazhdueshëm dhe të qëndrueshëm me barna është duke vazhduar dhe këtë e siguron edhe lidhja së fundi e shumë kontratave të reja nga ana e Fondit të Sigurimeve Shëndetësore për nevoja të institucioneve publike shëndetësore”, thuhet në njoftim. Më tej theksohet se MSH do të vazhdojë ta ketë prioritet ngritjen e nivelit të furnizimit me barna.