Qëndrimi në këmbë gjatë punës ndihmon në humbjen e peshës

Qëndrimi në punë në këmbë mund të ndihmojë në humbjen deri në 3 kilogramë në vit, ka shpjeguar një studim i ri.

Hulumtuesit kanë gjetur se gjashtë orë në këmbë në ditë shkaktojnë djegien e 54 kalorive ekstra.

Gjetjet kanë shpirë në thirrjet që punëtorët e zyrave të qëndrojnë më shpesh në këmbë për të luftuar obezitetin. Të rriturit kalojnë rreth shtatë orë në ditë ulur.

Studimi i 1200 të rriturve gjeti se efekti i djegieve të kalorive për gjashtë orë qëndrim në këmbë shkonte deri në 3.5 kilogramë në vit.

“Qëndrimi në këmbë jo vetëm që djeg më shumë kalori, por edhe aktiviteti shtesë i muskujve lidhet me reduktimin e sulmeve të zemrës”, ka thënë Francisco Lopez-Jimenez nga “Mayo Clinic” që u mor me hulumtimin, shkruan “The Sun”.

Tam Fry nga “Forumi Kombëtar i Obezitetit” në Britani të Madhe  ka kërkuar që të prezantohen tavolinat e punës që mundësojnë qëndrimin në këmbë.

“Ky do të ishte ndryshim i madh pozitiv për punëtorët”, ka thënë ai, transmeton Albinfo.ch.