Pse referendumi i armëve rrezikon anëtarësimin e Zvicrës në Zonën e Shengenit?

Kur Brukseli i bëri thirrje qeverisë zvicerane të ndryshojë ligjet e saj të armëve për t’i bërë ato në përputhje me kufizimet e BE-së të shtrënguara pas sulmeve të Parisit 2015, ligjvënësit zviceranë miratuan reformat që BE-ja i ka konsideruar të mjaftueshme, përcjell albinfo.ch.

Por kjo nxiti një presion të ashpër nga anëtarët e Partisë Popullore Zvicerane (SVP) të së djathtës, e cila mblodhi mjaft firma për të detyruar një referendum mbi masat më 19 maj. Referendumi zyrtarisht (IGS), është një lobim pro mbajtjes së armëve.

Si lidhet referendumi i armëve me anëtarësinë në Shengen?

Ndërsa Zvicra nuk është anëtare e BE-së, ajo i takon rajonit të udhëtimit pa viza të Shengenit dhe prandaj duhet të respektojë rregullat e ndryshme të zbatuara nga blloku.

“Direktiva e BE-së përbën çarmatimin e familjeve zvicerane”, u citua të thoshte ligjvënësi SVP Werner Salzmann nga transmetuesi publik RTS, përcjell albinfo.ch.

Qeveria zvicerane ka kundërshtuar se nëse votuesit hedhin poshtë Direktivën e armëve të qeverisë zvicerane të miratuar kohët e fundit, bashkëpunimi me BE dhe anëtarësimi në Zonën Shengen do të pushonin automatikisht duke ndaluar Këshillin dhe Komisionin e BE-së që të lejonte një përjashtim.

Marrëdhëniet dypalëshe midis Zvicrës dhe BE-së aktualisht bazohen në rreth 20 marrëveshje kryesore dhe rreth 100 marrëveshje sekondare të negociuara nga të dyja palët, pasi votuesit zviceranë hodhën poshtë një propozim për t’u bashkuar me Zonën Ekonomike Evropiane në vitin 1992.

Zvicra nuk është e detyruar të miratojë automatikisht ligjin e BE-së. Parlamenti zviceran ka të drejtën të zgjedhë nëse do të miratojë legjislacionin, ashtu si edhe populli zviceran përmes referendumeve.

Cili është subjekti i këtij  referendumi?

Më 19 maj, votuesve zviceranë do t`u shtrohet pyetja e mëposhtme:

“A pranoni Dekretin Federal të 28 shtatorit 2018 për miratimin dhe zbatimin e shkëmbimit të shënimeve midis Zvicrës dhe BE-së lidhur me rifillimin e Direktivës së BE 2017/853 që ndryshon Direktivën e BE-së për armët?

Qeveria zvicerane ka paralajmëruar për pasojat nëse votuesit votojnë ‘jo’ në referendum dhe hedhin poshtë ligjet e reja, përcjell albinfo.ch.

Çfarë është në rrezik?

“Në rast se dispozitat e reja refuzohen, bashkëpunimi midis Zvicrës dhe shteteve të tjera të Shengenit dhe Dublinit automatikisht do të pushojë, përveç nëse shtetet e tjera dhe Komisioni i BE-së ofrojnë lëshime në Zvicër”, tha qeveria në një deklaratë.

 

---