Presidenti i Shqipërisë: Kriza zgjidhet me respektimin e votës

Presidenti i Shqipërisë, Ilir Meta, ka pritur në një takim delegacionin e Komitetit Hebre-Amerikan me qendër në New-York.
Presidenca njofton se Meta i ka informuar ata me situatën aktuale në Shqipëri, krizën e rëndë kushtetuese dhe institucionale që ka përfshirë vendin, si dhe me propozimin e tij për zgjidhjen e saj nëpërmjet zhvillimit të tri palë zgjedhjeve më 13 tetor, transmeton albinfo.ch.
“I vetmi ilaç që shëron vendin nga kjo krizë e thellë përfaqësimi dhe legjitimiteti është vetëm respektimi i votës së lirë dhe direkte të të gjithë qytetarëve shqiptarë dhe pranimi i verdiktit të tyre final nga të gjithë ne”, citohet të ketë thënë Meta gjatë takimit.
Gjithashtu, presidenti Meta e siguroi delegacionin se miqësia mes shqiptarëve dhe komunitetit hebreo-amerikan do të vazhdojë.