Portner: Kush nuk këndon himnin duhet të gjobitet

“Është e pakuptueshme, që një futbollist që luan për Zvicrën të kryen simbolin e shqiptarëve,” tha ai, duke shtuar se secili sportist duhet të jetë pasqyrë e imazhit zviceran.

Portieri i kombëtares helvete të hendbollit Nikola Portner, ka theksuar se këndimi i himnit duhet të jetë detyrë e secilit lojtar dhe se ai që nuk këndon “duhet të gjobitet”, shkruan blick.ch.

24 vjeçari Portner është me origjinë serbe, por ndjehet zviceran pasi këtu ka mësuar të luajë hendboll dhe është shkolluar, përcjell albinfo.ch.

Serbi ka gjetur kohë dhe ka komentuar edhe gjestin e shqiponjës dykrenore nga Xhaka dhe Shaqiri.

“Është e pakuptueshme, që një futbollist që luan për Zvicrën të kryen simbolin e shqiptarëve,” tha ai, duke shtuar se secili sportist duhet të jetë pasqyrë e imazhit zviceran.

Faza për kualifikim në Kampionatin Europian të handbolit do fillojë për Zvicrën në 25 tetor kundër Kroacisë në Osijek. Tre ditë më pas për portierin do jetë një ndeshje emocionuese kundër Serbisë në Zug, kurse në 10 prill 2019 kundër Belgjikës.

---