Cyrih: Policia sillet keq me ata që nuk flasin mirë gjermanisht

Foto ilustrim: (KEYSTONE/Salvatore Di Nolfi)

Një i huaj që flet keq gjuhën gjermane, do të ketë probleme me autoritetet.

Kështu ka raportuar “NZZ”. Sipas tyre, çdokush që flet keq gjermanisht, në Cyrih vazhdimisht nënvlerësohet nga punonjësit e qytetit. Në lidhje me këtë rast janë alarmuar autoritetet.

Komunikimi është i vështirë, punonjësi komunal i flet atij sikur të ishte ndonjë fëmijë. Gjatë bisedës, ai nënvlerësohet.

Për këtë ngjarje pohon edhe Christine Seidler (SP), kryetare e Komisionit të biznesit të Këshillit bashkiak të Qytetit të Cyrihut (GPK).
Sipas saj, jo vetëm klientët nëpër sportele nënvlerësohen, por edhe gjatë kontrolleve policore apo të biletave.

Sipas NNZ, kjo dukuri u paraqit edhe në raportin e GPK të vitit 2008, përcjell albinfo.ch.

Sipas tyre, do të ishte në rregull që edhe nëse pala e kundërt nuk flet mirë gjermanisht, duhet të tregohet gjithmonë respekt nga ana e zyrtarëve.
Kjo dukuri dhe kjo problematikë është drejtuar edhe në Këshillin e qytetit nga GPK.

Sipas , zëdhënëses së departamentit presidencial e Qytetit të Cyrihut, Astrid Herrmann, ky problem është i njohur.

Edhe Avokati i Popullit të Qytetit Cyrih tashmë është ballafaquar me këtë problem.
Ekziston një rast kur policia ka arsyetuar veprimet e tyre me njerëzit që flasin keq gjuhën gjermane.
Sipas tyre, drejtimi i zyrtarëve në numrin njëjës të vetës së dytë (ti) është forma më e mirë dhe komunikimi është shumë më i lehtë.