Me gjithë kushtet atmosferike, realizohen fluturimet nga aeroporti i Prishtinës

Kushtet atmosferike nuk kanë penguar realizimin e 17 fluturimeve nga aeroporti “Adem Jashari”.

 “Përkundër kushteve atmosferike me borë të dendur e me temperatura të ulëta, deri me tani në ANP “Adem Jashari” janë realizuar 17 fluturime në shkuarje e 13 fluturime në arritje”, thuhet në njoftim.

“Përderisa nuk janë realizuar 3 vajtje/ardhje, fluturimi i “Austrian Airlines” nga Vjena ishte nisur për në Prishtinë, por është rikthyer në Vjenë pa realizuar aterim në Prishtinë, e dy fluturimet e kompanisë gjermane “Germania”, njëri ka ateruar në Shkup e tjetri ka mbetur për t’u realizuar nesër”. 

Deri në mesnatë presim të realizohen edhe 4 fluturime në ardhje e në 2 shkuarje.