Futboll

Përballja Xhaka-Mustafi kundër Hysajt

E enjte, 18 Prill 2019 - 20:40 albinfo.ch

(KEYSTONE/Alessandro della Valle)

Sonte në mbrëmje do të mësohen emrat e katër ekipeve që do të kalojnë në gjysmëfinale të Ligës së Evropës.

Përballja kryesore do të luhen në “San Paolo”, ndërmjet Napolit dhe Arsenalit.

Ndeshjen e parë të luajtur në “Emirejts” e kishte fituar Arsenali me rezultat 2:0, duke krijuar epërsi mjaft të lartë para duelit të kthimit.

Në këtë ndeshje për Arsenalin pritet të startojë Granit Xhaka, pasi në ndeshjen e parë mungoi për shkak të lëndimit.

Chelsea që është favorit për të triumfuar në këtë garë, do ta presë në “Stamford Bridge”, skuadrën e Slavia Pragës.

Duelin e parë të luajtur në Pragë e kanë fituar anglezët me rezultat 1:0, me golin e Alonsos.

Në dy duelet e tjetra, Frankfurti e pret Benfikën dhe kërkon përmbysje pas disfatës në ndeshjen e parë 4:2, kurse Valencia përballet me Vijarealin dhe ka epërsi pas triumfit 3:1 si mysafir në takimin e parë. Të gjitha ndeshjet do të nisin në orën 21:00.