Për shkak të mosinkuadrimit të Shaqirit, tifozët të pakënaqur me Kloppin

(AP Photo/Jon Super)

Mbrëmë, në gjysmëfinalen e parë të Ligës së Kampionëve, Liverpooli pësoi humbje 3:0 nga Barcelona në “Camp Nou”.

Tifozët e Liverpoolit ende nuk po mund të besojnë se si Jurgen Klopp e inkuadroi Divock Origin para Xherdan Shaqirit në ndeshjen e mbrëmshme.

Klopp është kritikuar tejmase pas ndeshjes.

Tifozët e Liverpoolit mendojnë se Shaqiri duhej të inkuadrohej para Origit, për ta ndryshuar rrjedhën e ndeshjes.

“Nuk e mohojmë se Messi është më i miri i të gjitha kohëve, por ta inkuadrosh Origin para Shaqirit, s’mund të shënosh gol”, shkroi Sonal Pai në Twitter.

Një tjetër tifoz me emrin Yash Tarphe shkroi: “Zëvendësimet e Klopp nuk mund të kuptohen. Ta sjellësh Origin kur ne kemi Shaqirin në bankë, si mund të ketë ndikim”, shkruan Zëri, përcjell albinfo.ch.

“Sinqerisht më shqetëson fakti se si inkuadrohet Origi para Shaqirit. Ai është i tmerrshëm”, shkroi Callum.