Për çështjen e emrit të Maqedonisë, Nimic fton palët në Bruksel

Ministri i Jashtëm i Maqedonisë, Nikolla Dimitrov,  vlerësoi se ky proces nga ana e tyre do të përfundojë me urtësinë qytetare

Ndërmjetësuesi i Kombeve të Bashkuar për çështjen e emrit në Maqedoni Metju Nimic ka ftuar drejtuesit e institucioneve të Maqedonisë dhe të Greqisë që më 11 dhe 12 dhjetor në Bruksel të vazhdojnë negociatat në tentim për të tejkaluar dallimet ndërmjet palëve dhe që të tentohet të gjendet një zgjidhje për emrin, transmeton albinfo.ch.

Në njoftimin e KB-së nuk ka detaje konkrete nëse Nimic do të ketë takime të përbashkëta apo të ndara me përfaqësuesit e të dyja vendeve.

Ministri i Jashtëm i Maqedonisë, Nikolla Dimitrov,  vlerësoi se ky proces nga ana e tyre do të përfundojë me urtësinë qytetare. Ai tha se nuk pret një propozim të  ri në takim e ardhshëm në Bruksel.