Pensionistët kroatë, më të varfërit në Evropë

Pensionistët kroatë janë ndër më të varfrit në Evropë, thuhet në raportin mbi pensionet e Komisionit Evropian.

Pensionistët e moshës nga 65 deri në 74 vjet në Kroaci marrin më pak se 40 për qind të pagës mesatare të një punëtori të moshës mes 50 dhe 59 vjeç, që do të thotë se pas daljes në pension të ardhurat bien në mënyrë drastike, kështu që për këtë kriter janë më të pafavorizuara në BE, raportojnë mediat kroate, përcjell albinfo.ch.

Sipas raportit të KE-së, në vitin 2013 më shumë se 30 për qind e popullsisë më të vjetër se 65 vjet ishin në rrezik nga varfëria apo përjashtimi social.

Pensionet e ulëta kanë një ndikim edhe nga stazhi jo i plotë, pensionet e parakohshme dhe, sipas statistikave, Kroacia është edhe në fund të nivelit evropian, sepse shkalla e papunësisë në periudhën e moshës prej 55 deri 64 vjet është nën 40 për qind.

Për shkak të tendencave të pafavorshme demografike në gjithë Evropën po bëhen reforma të sistemit të pensioneve për të siguruar financim të qëndrueshëm pensional në të ardhmen.

Kroacia parashikon që mosha e daljes në pension në të ardhmen të  jetë 67 vjet.

Sipas rasportit të KE-së, shumë njerëz kanë dalë në pension më herët për arsye të ndryshme, si sëmundjet, papunësia dhe përgjësitë familjare.