PE-ja kërkoi fillim të negociatave me Maqedoninë në qershor 2019

Shumica e eurodeputetëve të Parlamentit Evropian në debatin para votimit të raportit për Maqedoninë kërkuan fillim të negociatave në qershor të vitit 2019 për anëtarësim të Maqedonisë  në Bashkimin Evropian, por rikujtuan se vendi duhet të vazhdojë me temp të njëjtë të reformave.

Raportuesi Ivo Vajgëll, por edhe eurodeputetë të tjerë rikujtuan se jo vetëm Maqedonia, por edhe Bashkimi Evropian duhet t’i plotësojë premtimet e veta në procesin eurointegrues, shkruan Albinfo.ch

Ai si shumica e tjerëve e përshëndeti Marrëveshjen e Prespës. Komisari Johanes Han theksoi se Maqedonia është kthyer në rrugën euroatlantike dhe i përshëndeti ndryshimet kushtetuese, duke thënë se ato janë hap i guximshëm që pret të vazhdojnë pa shtyrje. Përkrahje për Maqedoninë dhanë edhe shumë përfaqësues të tjerë, por nuk munguan as kritikat për Hungarinë në lidhje me ekstradimin e ish-kryeministrit të Maqedonisë, Nikolla Gruevski.