Paralajmërohen protesta në Shkup

Opozita në Maqedonin e Veriut, VMRO-DPMNE, ka mundësi të organizojë protesta

Opozita në Maqedoninë e Veriut, VMRO-DPMNE, bën me dije se ka gjasa të organizojë demonstrata, protesta, marshe si dhe bllokim të rrugëve dhe të Kuvendit për shkak të rastit korruptiv “Reket”, përcjell albinfo.ch.

Sekretari i përgjithshëm i VMRO-së, Igor Janushev, në një intervistë për Radion Evropën e Lirë, që do të emitohet të dielën, thotë se asnjë ide apo mënyrë e veprimit nuk është përjashtuar, dhe se qëllimi është të rrëzohet qeveria dhe të mbahen zgjedhje të reja parlamentare.

“Pa dyshim që organet më të larta të partisë, përfshirë këtu edhe Komitetin ekzekutive dhe atë qendror, do të ulen në periudhën në vazhdim dhe do të vendosin se cila është mënyra më e mirë e veprimit, me qëllim që përfundimisht të largohet sa më shpejt të jetë e mundur kjo qeveri kriminalo-zhvatëse”, thotë Janushev.

“Çdo shtet ka mafia, por te ne mafia ka shtet”

“Çdo shtet ka mafia, por te ne mafia ka shtet”, kështu u shpreh mes tjerash në konferencën e sotme për shtyp kreu i VMRO-DPMNE-së, Hristijan Mickoski për të shtuar se vendi aktualisht është në një situatë kur kryeministri po mbron kriminalitetin. “Institucionet dhe kryeministri Zaev nuk mund ta zgjidhin këtë krim, për shkak se edhe vetë janë të përfshirë në të. Njerëzit që janë të përfshire në rastin Reket janë njerëz të afërt të Zaevit. Këtu është e përfshirë edhe Prokurorja Speciale, Katica Janeva.

Fjalët e saj që dëgjohen në incizim janë “mos u shqetëso, krejt do jetë në rregull”, tha Mickoski.

---