Numër rekord i refugjatëve në botë

45 milionë refugjatë është shifra në e madhe e regjistruar që nga vitet 90 të shekullit të kaluar, njofton UNHCR në një raport të publikuar të premten

Gjatë vitit që po kalon më shumë se 45 milionë banorë të botës janë gjetur në pozicion të refugjatit, gjegjësisht të strehuar në vendet e huaja apo edhe në pjesë të ndryshme të vendit të tyre. Kjo është shifra në e madhe e regjistruar e refugjatëve që nga vitet 90 të shekullit të kaluar, njofton UNHCR në një raport të publikuar të premten. Flukset e refugjatëve që kanë ndodhur gjatë vitit që po përfundon, në kuadrin e konflikteve të armatosura në Siri, Afganistan dhe Somali e Sudan kanë qenë më të mëdhatë në vitet e fundit.

Vetëm gjatë gjashtë muajve të parë të vitit, rreth 5.9 milionë njerëz kanë qenë të detyruar të braktisin vendin e tyre, ndërsa në fund të vitit kjo shifër ka arritur në 7.6 milionë, shkruan nzz.ch.

Në dritën e këtij numri kaq të madh të refugjatëve shtrohet pyetja përse kaq shumë njerëz vihen në pozitë për të ikur nga vendi i tyre, ka thënë komisari i lartë i OKB-së për Refugjatë, Antonio Guterres. Megjithëse organizatat humanitare kanë ofruar ndihma në shpëtimin e jetëve, ato nuk kanë mundur të parandalojnë dhe as t`i përfundojë, është shprehur ai.