Nuk votohet Projektligji për Rimëkëmbje Ekonomike

Në këtë projektligj ishte paraparë edhe mundësia e tërheqja e 10% të trustit pensional

Pavarësisht që morën pjesë në seancë, deputetët e Kosovës nuk e votuan Projektligjin për Rimëkëmbje Ekonomike nga pandemia COVID-19.

Ky Projektligj, po ashtu nuk kishte marrë votat në lexim të parë në muajin gusht, pasi Lëvizja Vetëvendosje dhe Partia Demokratike e Kosovës refuzuan ta votojnë ndonëse ministrja e Financave, Hykmete Bajrami bëri thirrje për votimin e tij, shkruajnë mediat kosovare, përcjell albinfo.ch.

Po ashtu, Projektligji parasheh zbatimin e Pakos së Rimëkëmbjes Ekonomike.

Në këtë projektligj ishte paraparë edhe mundësia e tërheqja e 10% të trustit pensional.

Në seancën tjetër do të tentohet përsëri që të kalohet ky projektligj.

---