Kosova
Nuk do të ndalet dialogu shkaku i aktakuzave të Speciales
Duket se procesi i dialogut mes Kosovës dhe Serbisë nuk do të ndalet, me gjithë rrethanat e krijuara pas publikimit të aktakuzës ndaj presidentit Hashim Thaçi, i cili kishte marrë rolin prijës në këtë proces, përcjell albinfo.ch.
Zyrtarë të Bashkimit Evropian kanë thënë se në korrik planifikojnë t’i thërrasin palët në takim, Shtetet e Bashkuara nuk kanë caktuar ndonjë datë, megjithëse nuk do t’i ndalin përpjekjet.
Nga ana tjetër, zëdhënësi për Çështje të Politikës së Jashtme dhe Sigurisë të Bashkimit Evropian, Peter Stano, i ka thënë KOHËS se presin që dialogu të rifillojë këtë muaj. Sa i përket përfaqësimit në dialog, Stano shton se janë autoritetet e Kosovës ato që duhet të vendosin se si interesat e tyre prezantohen më së miri.
“Ne presim që dialogu të rifillojë këtë muaj, ashtu siç është njoftuar më herët. Data e saktë do të komunikohet në kohën e duhur. Nuk i takon Bashkimit Evropian që t’i zgjedhë bashkëbiseduesit e saj, por që Kosova dhe autoritetet e saj të vendosin se si interesat e tyre prezantohen dhe përfaqësohen më së miri”, ka thënë Stano.
Veprime intensive në funksion të rinisjes së dialogut ka ndërmarrë Brukseli muajin e kaluar, pas përpjekjeve që procesi të zhvendoset në SHBA. BE-ja vazhdon të jetë e mandatuara e vetme për ndërmjetësimin e dialogut Kosovë-Serbi, sipas një rezolute të miratuar nga OKB-ja në vitin 2011.
Për këtë qëllim, përfaqësuesi special i Bashkimit Evropian për dialogun Kosovë-Serbi dhe Ballkanin Perëndimor, Miroslav Lajçak, ditë më parë vizitoi Prishtinën dhe Beogradin për t’i njoftuar udhëheqësit dhe liderët e partive me afatet, planin dhe modalitetet e dialogut.
Diplomati sllovak do të mbështetet edhe nga shtetet e fuqishme brenda BE-së në formën e organizimit të samiteve. Një i tillë është paralajmëruar të mbahet gjatë korrikut në Paris, ku nikoqir do të jetë presidenti i Francës, Emmanuel Macron.
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik