Një lajm i mirë nga Maqedonia e Veriut për diasporën

Qeveria e Maqedonisë së Veriut e shqyrtoi dhe miratoi informacionin për nënshkrimin e Marrëveshjes për bashkëpunim në fushën e diasporës ndërmjet Qeverisë dhe 23 komunave

Me këtë rast është autorizuar Xhemail Çupi si ministër i angazhuar për diasporë në emër të Qeverisë së Republikës së Maqedonisë së Veriut për nënshkrimin e marrëveshjeve për këtë lloj bashkëpunimi.

“Këto zyra komunale do të kenë rol ndërmjetësues ku qytetarëve nga diaspora do t’u mundësohet qasje më e lehtë në informatat e nevojshme dhe do tu jepet udhëzime shtesë bazuar në të drejtat dhe obligimet e tyre në procedurat përkatëse para organeve kompentente gjatë qëndrimit të tyre në vendin amë”, njofton Çupi, transmeton Albinfo.ch.

Në këtë projekt do bashkangjitet edhe Ministria për shoqëri informatike dhe administratë, ku do i angazhojë punonjësit e vet që të bashkëpunojnë në koordinim me punonjësit e komunave në mënyrë që bashkërisht t’u dalin në ndihmë qytetarëve të diasporës.

---