Një britanik 15-vjeçar fiton miliona

Një britanik 15-vjeçar, me emrin e boksierit të famshëm Mohammed Ali, u bë milioner me ndihmën e një video-loje që e kishte shpikur kur ishte 12 vjeç.

Ali me anë të udhëzimeve nga YouTube, libra të ndryshme dhe informacione në faqet e internetit të specializuara mësoi vetë të hartojë programe kompjuterike dhe tre vjet më parë ka projektuar lojën “Projekti 2006”, e cila vetëm një muaj pas promovimit ka tërhequr më shumë se 3.000 lojtarë në internet.

“Unë isha i tronditur me reagimet. Kam pasur më shumë se 100 mijë klikime dhe më shumë se 3.000 anëtarë, të cilët janë regjistruar për të luajtur në vetëm një muaj pas promovimit, tha Ali në një intervistë me Radio BBC, përcjell albinfo.ch.

Sot, Ali është 15 vjeç dhe një sipërmarrës i vërtetë, i cili fiton të ardhura të respektuara, duke pasur parasysh se çdokush që dëshiron të luajë duhet të pagujë gjashtë paund në muaj.

Një pjesë e parave që fiton Ali i dhuron për disa organizata që luftojnë varfërinë dhe urinë në gjithë botën.