Sipas njoftimit nga prokuroria, oficeri i inteligjencës, i identifikuar si Carsten L, në përputhje me rregullat gjermane të privatësisë u arrestua në Berlin më 21 dhjetor të vitit të kaluar, përcjell albinfo.ch.

Një biznesmen gjerman i vetëpunësuar, i identifikuar si Arthur E, i dyshuari i dytë, ishte arrestuar në aeroportin e Mynihut më 22 janar, ndërsa kthehej nga Shtetet e Bashkuara të Amerikës.

Shërbimi Federal i Inteligjencës së Gjermanisë ka thënë se solli prokurorë menjëherë pasi hetimet e brendshme vërtetuan informacione për një rast të mundshëm tradhtie.

Sot, prokurorët federalë thanë se Carsten L ishte njohur me Arthur E. që nga maji i vitit 2021 dhe se ky i fundit ishte në kontakt me një biznesmen me bazë në Rusi, me lidhje me FSB-në, agjencia e brendshme e inteligjencës ruse.

Të tre dyshohet se u takuan në shtator të vitit 2022 dhe komplotuan për të siguruar informacione të ndjeshme të BND-së gjermane për FSB-në ruse.

Përmes një deklarate, prokurorët kanë thënë se Carsten L ofroi gjithsej nëntë dokumente në lidhje me një projekt mbi mbledhjen e inteligjencës teknike në dy raste midis mesit të shtatorit dhe fillimit të tetorit të vitit të kaluar, duke i printuar ose duke i fotografuar ato në ekranin e kompjuterit të tij.