Nivel i mirë në jetësimin e reformës së Bolonjës

Shkollat e larta kanë realizuar një hapje, duke u mundësuar shtresave të ndryshme që të përfitojnë nga shkollimi i lartë profesional

„Raporti i Bolonjës për shkollat e larta profesionale 2010“ i porositur nga rektorët  e shkollave të larta dhe nga Ministria Zvicerane për Arsim dhe Teknologji ka ardhur në përfundimin se shkollat e larta zvicerane e kanë jetësuar në nivel të mirë reformën e Bolonjës.

Mes tjerash, ka konstatuar raporti, shkollat e larta ia kanë dalë që të bëjnë një hapje, shkruan Tages Anzeiger.ch. Kjo hapje u ka mundësuar shtresave të ndryshme të popullatës që të përfitojnë  nga shkollimi i lartë profesional.

Mirëpo, ende mbetet në nivel të pakënaqshëm mobiliteti i studentëve. Kështu, për të realizuar objektivin e reformës së Bolonjës, sipas të cilit 20 për qind të studentëve duhet të absolvojnë një qëndrim studimi jashtë vendit, duhet ende angazhim edhe më i madh.