Shkurt.ch

Në vitin 2050 botës i nevojitet dyfish më shumë ushqim

Ndërsa sipas studimit nevoja për energji deri në vitin 2050 mund madje edhe të trefishohet

E enjte, 19 Shtator 2013 - 12:11 albinfo.ch

Në vitin 2050 në botë do të ketë nevojë për dyfishin e ushqimit që popullsia e botës e konsumon sot. Këtë konstatim e ka arritur organizata hulumtuese “Club of Rome” përmes një studimi të bërë. Ky institut përbëhet nga personalitete të shquara të politikës, shkencës, ekonomisë dhe kulturës nga më shumë se 30 vende të botës.

Siç thotë sekretari i përgjithshëm i këtij klubi, rritja e mirëqenies në shumë vende të botës e shton kërkesën e popullatës për më shumë konsumim të mishit. Ndërsa po sipas tij, nevoja për energji deri në vitin 2050 mund madje edhe të trefishohet.  

Por nuk janë vetëm këta shkaktarët e rritjes së nevojave për ushqim në dekadat e ardhshme. Edhe thjesht shtimi i popullsisë së botës është shkak në vete për këtë rritje. Sipas organizatës në fjalë bota në vitin 2050 do të ketë 10 miliardë banorë.

 Të tjera nga Shkurt.ch

Kriza në Lindjen e Mesme ndryshon rrugët e turizmit zviceran

 E-Diaspora

 Jeta në Austri