Në pension si 70 vjeçar?

Synimi kësaj zgjatjeje është që të bëhet përshtatja e sistemit pensional me plakjen në rritje të popullatës në Zvicër

Bruno Pfister shef i koncernit më të madh zviceran të sigurimeve jetësore, Swiss Life, kërkon që për të siguruarit, detyrimi për të paguar arkën pensionale të zgjatet nga 40 vjet sa është tash, në 45 vjet. Pfister këtë propozim e ka dhënë në një intervistë të dhënë për gazetën “le Matin”.

Synimi kësaj zgjatjeje është që të bëhet përshtatja e sistemit pensional me plakjen në rritje të popullatës në Zvicër.

Sipas Pfister, pagesa e detyruar 45 vjeçare në shtyllën e dytë të sigurimeve do të vlente si për meshkujt ashtu dhe për femrat. Sipas kësaj, një njeri akademik, që ka studiuar deri në moshën 25 vjeçare, do të duhej të pensionohej kur t`i mbush 70 vjet ndërsa një punëtor fizik, në moshën 63 vjeçare.