Në Klinikën e Ortopedisë në QKUK, kryhet një operacion i rrallë

Pacientja Q.B., nuk ishte trajtuar asnjëherë që nga lindja

Në Klinikën e Ortopedisë me Traumatologji të Qendrës Klinike Universitare të Kosovës, është kryer një operacion i rrallë i implantimit të endoprotezës totale te kërdhokullës ose vendosje e protezës totale në kërdhokull, tek një paciente 49-vjeçare me çrregullim zhvillimor i kërdhokullës qe nga lindja. Pacientja Q.B., nuk ishte trajtuar asnjëherë që nga lindja, transmeton albinfo.ch.

Ajo në  Klinikën e Ortopedisë është lajmëruar për shkak të problemeve në ecje dhe dhimbje në kërdhokullën e djathtë, pasi kishte lindur me këtë problem dhe nuk është trajtuar asnjëherë për këtë problematikë.

Nga ekzaminimeve klinike dhe radiologjike vendoset diagnoza dhe indikacioni për trajtim kirurgjik ku edhe vërtetohet se te pacientja ekstremiteti i poshtëm i djathtë në matje ka shkurtesë 6 cm.

Rasti nga mjekët cilësohej si i ndërlikuar i këtij lloji në QKUK dhe mjaftë sfidues, që zakonisht kryhet në klinika të specializuara për këtë problematikë, por që tash mund të bëhet edhe në Kosovë.

Gjendja e pacientit gjate operacionit ishte stabile dhe pa probleme. Pas operacionit janë kryer ekzaminimet kontrolluese, ku është konstatuar se intervenimi kirurgjik ishte kryer me sukses të plotë pacientja është ende i hospitalizuar në pritje për të filluar terapinë fizikale sipas protokollit.

Mjekët që kanë marrë pjesë në këtë operacion ishin Dr. Arbër Tolaj, Dr.Cen Bytyqi, Dr. Rinor Velekinca dhe Dr. Artan Bejta.