Në këto kantone të Zvicrës njerëzit kanë më shumë para

Me 78,473 CHF për frymë, kantoni Zug është qartësisht në vendin e parë, me Cyrihun në vendin e katërt me 56,322 CHF

Sa para mund të shpenzojnë njerëzit për konsum, strehim dhe kohë të lirë, ose sa para mund te kursejnë? Instituti i kërkimit të tregut GFK prezantoi të mërkurën shifra të reja.

Me një total prej 49,100 CHF, zviceranët kanë fuqi blerëse për frymë dukshëm më të lartë në vitin 2023 sesa banorët e Austrisë dhe Gjermanisë, transmeton albinfo.ch. Këtë vit, austriakët arrijnë ekuivalentin e 26,423 frangave për frymë për shpenzime, gjermanët ekuivalentin e 26,027 frangave.

Dallimet nuk janë të dukshme vetëm midis vendeve. Ekzistojnë gjithashtu dallime të qarta rajonale brenda vendeve përkatëse, shkruan 20minuten.ch.

Kështu, sikurse në vitet e mëparshme edhe këtë vit në kantonet e Zvicrës qendrore:  Zug, Schwyz dhe Nidwalden njerëzit kanë më shumë para se në kantoinet tjetra.

Me 78,473 CHF për frymë, kantoni Zug është qartësisht në vendin e parë, me Cyrihun në vendin e katërt me 56,322 CHF, transmeton albinfo.ch. Kjo do të thotë se njerëzit atje kanë pothuajse 60 për qind më shumë në dispozicion për shpenzimet e tyre sesa mesatarja zvicerane prej 49.100 frangash.

Tetë nga 26 kantonet zvicerane kanë fuqi blerëse mbi mesataren për frymë, ndërsa më shumë se dy të tretat e kantoneve kanë një sasi parash nën mesataren në dispozicion për shpenzime. Në kantonin e fundit në listë, atë të Juras, njerëzit kanë fuqi blerëse për frymë prej 42,530 CHF, që është më shumë se 13 për qind nën mesataren kombëtare.

 

---