Patentë shoferi nga mosha 17 vjeçare në Zvicër

Qeveria zvicerane dëshiron të ulë kriterin e moshës për vozitësit.

Deri tani mosha e cila mundëson të rinjtë të aplikojnë për licencë vozitjeje është 18 vjeç.

Kriteri i ri parashëh që të ketë licencë të vozitjes së përkohshme që nga mosha 17 vjeçare, ndërsa kjo gjë po kundërshtohet ashpër nga grupet e sigurisë.

Ministrja e Transportit, Doris Leuthard, sipas SwissiNews, dëshiron që të aplikoj uljen e moshës për ata që aplikojnë për leje vozitjeje.

Kjo sipas ministres, do të lejoj që të rinjtë të udhëtojnë me licencë vozitjeje nën shoqërim.

Raportet e publikuara sugjerojnë se Leuthard ka lobuar tek senatorët zviceran që të miratojnë ndryshimet e leje vozitjeve.

Nxënësit nuk do të jenë në gjendje të kalojnë testin e tyre deri në 18 vjeç – dhe rregullat e reja që do të hyjnë në fuqi vitin e ardhshëm do të thotë që shoferët e rinj do të duhet të kenë një leje të përkohshme për një vit para se të mund të kalojnë testin, shkruan SwissNews, përcjell Albinfo.ch.

Leuthard thotë se atëherë të rinjtë duhet të jenë në gjendje të aplikojnë më herët.