Müller: Zvicra të forcojë kontrollin kufitar

„Zvicra duhet t`i përshtatet realitetit dhe të intensifikojë në mënyrë masive kontrollet në kufij“ ka thënë kryetari i FDP/PLR-së

FDP-Parteipraesident Philipp Mueller spricht am Tag der FDP am Samstag, 13. September 2014 auf dem Stierenmarktareal in Zug. (KEYSTONE/Sigi Tischler)

Kryetari i Partisë Liberale të Zvcrës (FDP/PLR) Philipp Müller kërkon që Zvicra të forcojë kontrollin kufitar. Për shkak të fluksit të madh të refugjatëve që po ia mësyjnë Evropës Perëndimore, shtetet fqinje me Zvicrën tashmë kanë filluar kontrollin e shtuar në kufijtë e tyre prandaj edhe Zvicra duhet të marrë masa në këtë drejtim, ka thënë Müller në një intervistë që i ka dhënë gazetës „NZZ am Sonntag“.

„Zvicra duhet t`i përshtatet realitetit dhe të intensifikojë në mënyrë masive kontrollet në kufij“ ka thënë ai. Müller më tutje ka thënë se do ta parapëlqente një zgjidhje gjithevropiane të krizës së refugjatëve por gjithashtu ka theksuar ai “dyshoj se kjo mund të arrihet së shpejti“.

Ai gjithashtu ka sqaruar se kjo që kërkon nuk është tendencë për dalje të Zvicrës nga Schengeni dhe Marrëveshja e Dublinit. „Por është evidente se të gjitha shtetet evropiane po marrin masa për të bërë vendet e tyre sa më pak atraktive për refugjatët“ ka thënë Müller duke arsyetuar se masa të ngjashme është legjitime të marrë edhe Zvicra.

Nga ana tjetër ai ka kritikuar kërkesën e  SVP-së për të kontrollit sistemati të kufijve. Kjo është iluzore kur dihet qarkullimi ditor prej rreth 1.3 milionë njerëzve në kufijt që lidhin Zvicrën me vendet tjera, ka thënë kretari i FDP-së.