Moti në Zvicër: Shi, breshër dhe erëra të fuqishme

Mot më i freskët se gjatë javës, ndonëse me tendenca të përmirësimit të lehtë, do të mbretërojë edhe të shtunën e të dielën

Keystone

Një rrymë e ftohtë ajri ka sjellë në mbrëmjen e të premtes reshje të fuqishme shiu me stuhi dhe me breshër  në pjesën më të madhe të Zvicrës. Erërat kanë fryrë me shpejtësi deri në 129 kilometra në orë.

Ky mot i lig ka marrë edhe haraçin e vet. Kështu, një trung i rrëzuar në mes të Stacionit Hekurudhor Badischer Bahnhof të Bazelit dhe lokalitetit  Riehen, ka ndërprerë trafikun hekurudhor në këtë linjë, njofton meteoschweiz. Po ashtu ndërprerja e energjisë elektrike ka paralizuar linjën hekurudhore Rorschach-Heiden (AR).

Kaos ka shkaktuar moti i lig edhe në Cyrih. Një trung është rrëzuar në sheshin Limmazplatz, me ç`rast ka shkaktuar çrregullime në qarkullimin e tramvajeve.

Mot më i freskët se gjatë javës, ndonëse me tendenca të përmirësimit të lehtë, do të mbretërojë edhe të shtunën e të dielën