Mjegulla ‘pushton’ Maqedoninë

Foto e Ambasadës amerikane në Shkup

Dukshmëri e zvogëluar për shkak të shfaqjes së mjegullës, deri në 50 metra në Strazhë dhe deri më 30 në Krushevë.

Komunikacioni në rrugët shtetërore zhvillohet nëpër korsi të lagështa, thuhet në raportin e LAMM, raportojnë mediat shqiptare të Maqedonisë.

Reshje të borës me intensitet të dobët vërehen në Kodrën e Diellit, Mavrovë, Dibër, Pletvar, Gjavato dhe Presekë, por nuk paraqesin pengesë për zhvillimin e komunikacionit në mënyrë të pandërprerë. Në Gjavato reshjet janë shi dhe dëborë, përcjell albinfo.ch.

Intensiteti i komunikacionit në rrugët jashtë mjediseve urbane është mesatar. Në vendkalimet kufitare nuk ka ndalesa më të gjata për hyrje dhe dalje nga shteti.

Në grykat është e mundur rrëshqitje e tokës, sidomos në rrugët: Koçan-Makedonska, Kamenicë-Dellçevë, Vinicë-Berovë, Gostivar-Strazhë, Mavrovë-Dibër-Strugë, Demir Kapi-Udovë, Katllanovë-Veles, Krushevë-Demir Hisar dhe Resnjë-Bukovo.