Më shumë se një e treta e azilkërkuesve që mbërrijnë në Zvicër janë nga Afganistani

(KEYSTONE/Michael Buholzer)

Ndërsa talebanët forcojnë kontrollin e tyre mbi jetën në Afganistan, më shumë afganë ndjejnë nevojën për t’u larguar. Nga 3.568 kërkesat për azil të bëra në Zvicër në nëntor 2022, 1.266 (35%) janë bërë nga afganët, sipas Sekretariatit Shtetëror për Migrim (SEM), përcjell albinfo.ch.

Pothuajse të gjithë ata që vijnë nga Afganistani janë meshkuj të rinj. Gratë, të cilat kanë humbur më shumë liri se burrat, kanë shumë më pak gjasa të largohen. Sipas Maryam Yunus Ebener, një banore afgane e Gjenevës, e cila foli për RTS, familjet ngurrojnë t’i lënë vajzat e tyre të largohen nga frika se mos përdhunohen.

Që kur talebanët u kthyen në pushtet në gusht 2021, Zvicra ka ndaluar kthimin e njerëzve në Afganistan. Megjithatë, azilkërkuesit që mbërrijnë në Zvicër mund të kthehen në vendet evropiane që kanë kaluar për të arritur në Zvicër.