Mbahet gara vjetore e ngjitjes në kullën Eiffel

Kulla Eiffel u transformua në pistë të veçantë për atletët, të cilët vrapuan deri në majën e monumentit më të vizituar në botë. Ata garuan në garën vjetore vertikale të Parisit.

Tani në edicionin e tij të katërt, gara e quajtur “La Verticale de la Tour Eiffel” ishte nikoqir i 129 vrapuesve nga pesë kontinente, përfshirë 40 atletë profesionistë, përcjell albinfo.ch.

Një nga një, vrapuesit nxituan drejt 1.665 shkallëve të kullës për të parë se kush mund të arrinte kulmin e strukturës 324 metra të gjatë, në kohën më të shpejtë të mundshme. Këtë vit, kampioni Piotr Lobodzinski nga Polonia përsëri fitoi në konkurrencën e meshkujve, duke arritur majën e Eiffelit për 7 minuta e 56 sekonda.

E, në konkurrencën e femrave, Suzy Walsham nga Australia e mbrojti titullin, të cilin e ka fituar në 4 vjetët e fundit. Ajo arriti në majë për 10 minuta 02 sekonda. Për organizatorët, ngjarja e këtij synon ta festojë epitetin e Parisit si nikoqir i Olimpiadës së vitit 2024.