Lajme

Marrëveshja për koalicion në Austri: Sebastian Kurz, prapë kancelar

Lideri konservativ austriak, Sebastian Kurz, pritet të marrë shpejt pozitën e kancelarit, pasi që partia e tij, Partia Popullore, ka bërë koalicion me ambientalistët, Të Gjelbrit.

E enjte, 2 Janar 2020 - 19:10 albinfo.ch

Lideri 33-vjeçar e ka përshkruar si “të shkëlqyer” arritjen e marrëveshjes gjatë një konference me kreun e të Gjelbërve, Werner Kogler.

Kurz ka thënë se bisedimet nuk kanë qenë aspak të lehta deri te gjetja e zgjidhjes, “për shkak se të dy partitë kanë dallime shumë të mëdha”.

Ndërkaq Kogler që do të jetë zëvendëskancelar i vendit, ka pohuar se këto dy parti suksesshëm kanë arritur që të ndërtojnë ura “për të ardhmen e Austrisë”, shkruajnë mediat kosovare, përcjell albinfo.ch.