Maqedoni e Veriut: 111 raste të reja me Covid-19, dy të vdekur

Keystone EPA/GEORGI LICOVSKI

Sipas Ministrisë së Shëndetësisë gjatë 24 orëve të fundit në Maqedoni janë shënuar 111 raste të reja me koronavirus, nga 854 testime, po ashtu është raportuar edhe për dy të vdekur.

Nga të vdekurit është një 53-vjeçare nga Struga dhe një 80-vjeçar nga Prilepi. Po ashtu në 24 orët e fundit janë shëruar gjashtë pacientë.

Numri total i pacientëve të diagnostikuar me Covid-19 në Maqedoni të Veriut ka arritur në 3025, ku 1646 prej tyre janë shëruar. Ndërkohë kanë vdekur 153 persona, përcjell Albinfo.ch