LAPSH u bën thirrje prindërve që t’i regjistrojnë fëmijët në shkollat shqipe

LAPSH në Fribourg i informon të gjithë prindërit shqiptarë për të gjitha pikat shkollore në këtë Kanton.

“Tani bashkatdhetarët shqiptarë në Fribourg kanë adresat dhe kontaktet për të gjitha Shkollat Shqipe ku ata mund t‘i regjistrojnë fëmijët e tyre”, thuhet në njoftimin e tyre, shkruan albinfo.ch.

“Ftojmë të gjithë prindërit shqiptarë që ta shfrytëzojnë këtë mundësi dhe t’u japin fëmijëve të tyre atë që më së shumti ju mungon, mësimin dhe ruajtjen e gjuhës shqipe, si dhe vlerat tjera kombëtare”, thuhet tutje në njoftim.

LAPSH u ka bërë thirrje të gjithë prindërve që t’i dërgojë fëmijët në shkollat shqipe, derisa në këtë vit janë hapur dy pika shkollore.