Kuvendi i Kosovës nesër seancë për Agjendën e Reformave Evropiane

Kryesia e Kuvendit të Kosovës ka thirrur për nesër seancë të jashtëzakonshëm ku pritet të diskutohet për ligjet që kanë të bëjnë me Agjendën e Reformave Evropiane. Kërkesën për këtë seancë e ka bërë Me kryeministri Ramush Haradinaj. Pas mblëdhjes së kryesisë kreu i kuvendit Kadri Veseli ka folur edhe për kërcënimet e Listës Serbe për dalje nga koalicioni  duke thënë se dikush po tenton ta shantazhojë qenësinë e Kosovës.

“Ne si partnerë jemi të interesuar ta çojmë deri në 2021, askush nuk mund ta shantazhojë askënd as PDK as kryeministrin . Ideja është me vazhduar deri vitin 2021”, ka thënë Veseli.

Ndërsa ka njoftuar se do të udhëtoj në Filnlandë e Belgjik për të lobuar për liberalizimin e vizave. Ndërsa gjatë raportimit në Komisionin për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, Haradinaj ka thënë se vendi është në urgjencë kohore për ta çuar përpara agjendën evropiane.