Lajme

Kush fiton më shumë, Xhaka apo Shaqiri?

Ata janë mes futbollistëve më të vlerësuar në kombëtaren zvicerane, janë mes personazheve më të dashur për tifozët, por së fundmi egoja e madhe dhe ambicia i kanë përplasur në një konflikt për shiritin e kapitenit. Granit Xhaka dhe Xherdan Shaqiri janë edhe mes lojtarëve më të paguar në federatën helvetike.

E diel, 29 Dhjetor 2019 - 12:25 albinfo.ch
(KEYSTONE/Laurent Gillieron)

Granit Xhaka është i dyti në listën e prezantuar nga gazeta Blik. Mesfushori i Arsenalit paguhet 13.2 milionë Franga në vit, një kontratë e cila u negociua për shumë muaj me formacionin londinez.

Granit Xhaka lihet pas në listë nga Klint Kapela, basketbollisti i Hjuston Rokets që merr 15.2 milionë franga zvicerane falë akordit me gjigantët e NBA. Hokej dhe futbolli janë dy sportet që kanë më së shumti lojtarë, nga 4 gjithsej dhe basketbolli e tenisi kanë nga një përfaqësues.

Mesfushori i Liverpulit, Xherdan Shaqiri është i pesti në listën e sportistëve zviceranë më të vlerësuar financiarisht me 7.93 milionë franga të fituara gjatë këtij viti, shkruan insporti, përcjell albinfo.ch

 Të ngjashme

Bekim Zogaj, kur “pensionimi” vjen në kulmin e karrierës

 Të tjera nga Lajme

Bleu banesë në Gjermani, por u pendua: “Mendova se do të shpëtoja nga qiraja, por shpenzimet më rënduan”

 E-Diaspora

 Jeta në Austri