Kurti sërish refuzon presidentin Hashim Thaçi

Lideri i Lëvizjes Vetëvendosjes, Albin Kurti, i ftuar për të dytën herë nga presidenti i Kosovës, Hashim Thaçi, ka refuzuar të shkojë në takim për nominim të mandatarit për qeverinë e re.

Ja postimi:

“Ju faleminderit për dy ftesat e sotme që të takohemi sot, ftesa këto që fillimisht publikoheshin nëpër portale, pastaj mbërrinin në zyrën tonë. Sot isha jashtë vendit. Nuk do të mund të vij as sonte. Për t’u konsultuar për caktimin e mandatarit për formimin e qeverisë, takohemi gjatë ditëve në vijim. Ndërkohë po i shqyrtoj këto nenet që i keni përmendur në dy letrat tuaja”, është shprehur Kurti.