Sekretariati i KQZ-së: Ende nuk e kemi të qartë situatën me helmimin

KQZ-ja pritët të vendosë se si do të veprohet më tutje me këta zarfe

Kryeshefi ekzekutiv i sekretariatit të KQZ-së, Enis Halimi, ka vizituar vendin ku janë helmuar zyrtarët e KQZ-së, teksa ka theksuar se do të ofrojnë sigurinë maksimale që të mos preket integriteti i procesit zgjedhor.

Përveç kësaj, Halimi bëri të ditur se bashkë me votat e ardhura nga Serbia, janë edhe zarfe nga shtete të tjera. Derisa tha se KQZ-ja pritët të vendosë se si do të veprohet më tutje me këta zarfe, raporton KP.

“Ende nuk e kemi situatën e qartë, aty kanë ardhur zarfe nga shtetet e tjera, por edhe nga Serbia. Procesi i verifikimit ka vijuar gjatë këtyre ditëve. Po besoj më pastaj do të kemi një pasqyrë më të qartë për gjitha këto pretendime që i kemi. Është çështje e vendimmarrjes së KQZ-së, ju e dini që zarfi përbën material të ndjeshëm. Tashmë është në pronësi të KQZ-së, ai do të vendosë se si do të veprohet me këtë material të ndjeshëm, por ne jemi të interesuar që të ofrojmë sigurinë maksimale në këtë material dhe të mos ketë prekje në integritetin e procesit zgjedhor”, tha ai, përcjell Albinfo.ch.

---