Kritikohet Shaqiri

Futbollisti shqiptar është kritikuar për deklaratat e tij se e ka merituar shiritin e kapitenit. Këto kritika kanë ardhur nga Kubilay Turkyilmaz

Deklaratat e Xherdan Shaqirit se e ka merituar shiritin e kapitenit nuk janë pritur aspak mirë në Zvicër, sidomos para fillimit të Kampionatit Evropian, shkruan albinfo.ch.

Ish-futbollisti i Zvicrës, Kubilay Turkyilmaz, i cili ka prejardhje turke ka kritikuar Shaqirin në një opinion në gazetën më të lexuar zvicerane “Blick”.

“Shprehjet e Shaqirit më kanë befasuar shumë. Nuk e kuptoj aspak sesi përpara grumbullimit të Zvicrës të vijnë shprehje të tilla nga ai. Xherdani është këshilluar shumë keq. Përpara se ai të shpreh dëshirën për të qenë kapiten, duhet të jap vendime të qarta. Dhe atë përpara Kampionatit Evropian. Ashtu si e kam thënë përpara. Granit Xhaka ka vepruar mirë, dhe për këtë meriton kompliment”, ka shkruar turku.

“Të jesh kapiten nuk do të thotë të kesh vetëm shiritin në krah, por ka punë me përgjegjësi. Një njohuri për vendin, që të mos i tradhtosh lojtarët dhe t’u japësh ide të qarta. Nga ky shikim, përkundër golave dhe numrit të ndeshjeve ka disa lojtarë që duhet të qëndrojnë para Xherdanit. Stephan Lichsteiner, Valon Behrami, Granit Xhaka, madje edhe Yann Sommer. Shprehjet e tij janë të dëmshme edhe për ekipin. Pasi prishja e atmosferës rëndon edhe rezultatet e mira”.

Në këtë opinion nuk ka sesi të mos përmendet rasti i Kosovës. “Ai më ka zhgënjyer edhe me shprehjen se Federata Zvicerane nuk kishte komunikuar me atë për çështjen e Kosovës. Pse vallë? ai është lojtar i kombëtares dhe ku qëndron arsyeja që të kontaktohet ai për Kosovën”, përfundoi Kubilay Turkyilmaz.