Kritikohet sërish Shaqiri

Xherdan Shaqiri ende nuk ka arritur të i bind mediat angleze për formën e tij të mirë

Ndonëse klubi i tij Stoke City ka fituar tri ndeshjet e fundit dhe Xherdani ka luajtur gjatë tërë ndeshjes, mediat angleze e kanë përfshirë Shaqirin në mesin e futbollistëve  më formë të dobët që luajnë në premierë ligë.

Gazeta “Manchester Evening News” tregon një listë të futbollistëve të cilët sipas saj janë më mbi peshë.

Në këtë listë pos Romelu Lukaku, John Terry dhe Memphis Depay gjendet edhe Xherdan Shaqiri. Kjo sipas gazetës është edhe arsye pse futbollistët nuk po tregojnë cilësitë e pritura prej tyre, përcjell albinfo.ch.

Diskutimi mbi peshën e Shaqirit nuk është një debat i ri. Edhe gjatë kohës kur ishte të Interi, mediat italiane e kishin kritikuar por ai nuk i kishte pranuar duke thënë se të gjitha janë muskuj.

Edhe ish trajneri i Shaqirit të Baseli, Thorsten Fink, kohë më parë kishte thënë se futbollisti ka mbipeshë dhe duhet të largoj të paktën 3-4 kilogram.