Kosova, Serbia dhe pak paqe, BE të gjejë zëvendësuese të Mogherinit

Sa cinike dhe e huaj është ideja e shkëmbimit të kufijve, mund të zbulohet kur flitet me banorë shqiptarë të Serbisë jugore dhe serbët e Kosovës së veriut. Ata vuajnë nga papunësia dhe varfëria e thellë, veçanërisht e romëve, të cilët qëndrojnë në shkallën më të ulët, përcjell albinfo.ch.

 

Nga pikëpamja kritike e historisë së tyre, fjalimi ishte shumë larg: kështu e përmendi të dielën presidenti Aleksandër Vucic ish presidentin jugosllav Slobodan Milosevic; një “udhëheqës i madh”, pavarësisht se ai zhvilloi tre luftra dhe zhvendosjen e qindra-mijërave personave dhe përgjegjës për vrasjen e më shumë se njëqindmijë personave.

Vucic u përpoq ta theksojë edhe narrativën e vjetër të komplotit të huaj kundër “serbëve”. Ai sqaroi se në Sarajevë jetojnë vetëm gjysma e serbëve që jetonin përpara luftës, por pa përmendur se qyteti 3.5 vjet ishte qëlluar nga armata serbë e Bosnjës. Vucici akoma mendon kombëtarisht, shkruan “Der Standard”. Edhe sot ai flet për “serbët” dhe “shqiptarët”, ndërsa fjala “qytetar” praktikisht nuk merret parasysh, përcjell albinfo.ch.

Gjithsesi, sipas të përditshmes së majtë austriake, vetë kërkesa për afërsi mes shqiptarëve dhe serbëve tingëllon si “pak miqësore”. Në fjalimin e tij u bë e qartë se nuk do ketë zgjidhje të shpejtë të çështjes së Kosovës, por ai dha sinjal se është kundër ndryshimit të kufijve, diçka që e kishte trumbetuar më parë.

“Sa cinike dhe e huaj është ideja e shkëmbimit të kufijve, mund të zbulohet kur flitet me banorë shqiptarë të Serbisë jugore dhe serbët e Kosovës së veriut. Ata vuajnë nga papunësia dhe varfëria e thellë, veçanërisht e romëve, të cilët qëndrojnë në shkallën më të ulët. Këta njerëz, ndryshimet e kufijve i shohin si papërgjegjshmëri edhe e politikës europiane. Gjithashtu shkëmbimi i territoreve është edhe një sinjal fatal se grupet e ndryshme nuk mund të jetojnë me njëri-tjetrin. Kjo është e kundërt me atë që është përpjekur Perëndimi prej kohësh të ndërtojë në Kosovë dhe Serbi; barabarësia e gjithë qytetarëve dhe vendosja e të drejtave minoritare,” përcjell albinfo.ch.

Në fund “Der Standard” thotë se Frederica Mogherini ka humbur suksesin në udhëheqjen e dialogut mes Serbisë dhe Kosovës, dhe për të pasur sukses, Brukseli duhet të gjejë një ndërmjetës/e tjetër europiane.

---